Juventus është frenuar me barazim pa gola në ndeshjen në udhëtim tek Sampdoria, që është barazimi i dytë i bardhezinjve bredna katër ditëve. Rasti më i mirë në ndeshjen në stadiumin Luigi Ferraris ishte një gjuajtje nga kapiteni i Juventusit, Alessandro Del Piero, që goditi shtyllën në minutën e 20-të. Juventusi po ashtu barazoi 1-1 ndaj Catanias gjatë të mërkurës. Sampdoria ndërkaq, ka barazuar në katër nga pesë ndeshjet në Serie A, dhe ka humbur në një tjetër. Interi, që nesër përballet me Milanin në derbin më të madh të Serie A, udhëheq me 10 pikë. Juventusi mbetet në garë me Lazion dhe Atalantan për vendin e dytë. Që të tria ekipet kanë nga nëntë pikë.
SAMPDORIA-JUVENTUS 0-0
SAMPDORIA (3-5-1-1): Mirante; Lucchini (80’ Bottinelli) Gastaldello, Accardi; Stankevicius, Sammarco, Palombo (75’ Dessena), Franceschini, Pieri; Delvecchio (89’ Bonazzoli); Cassano 6.5. Në dispozicion (Castellazzi, Ziegler, Padalino, Fornaroli). Trajner Mazzarri.
JUVENTUS (4-4-2): Manninger; Grygera, Mellberg, Chiellini, Molinaro; Camoranesi, Poulsen, Sissoko, Nedved; Amauri, Del Piero (74’ Iaquinta). Në dispozicion(Chimenti, Knezevic, Tiago, De Ceglie, Salihamidzic, Giovinco). Trajner Ranieri.
Arbitër: Rizzoli 6Të ndëshkuar me karton të verdhë: Gastaldello (S), Lucchini (S), Mellberg (J), Camoranesi (J).