Dunga i bën thirrje Amaurit për tek Brazili
Karlos Dunga i bën thirrje të hapur sulmuesit të Juventusit, Amauri, për të veshur fanellën e përfaqësueses së Brazilit. Çështja Amauri rihapet përsëri, por këtë herë në një drejtim tjetër. Bomberi është midis dy rrugëve, asaj që të çon me përfaqësuesen Axurre, dhe tjetra me atë të Seleçaos. Në një intervistë të dhënë për Gazzette dello Sport, tekniku i Brazilit Dunga është shprehur: “Dua ta thërras Amaurin në një nga ndeshjet e afërta miqësore të Seleçaos. Mund t’i jap garancinë që në Brazil do ta mirëpresin, por nëse ai preferon Italinë, atëherë është ai që vendos”.Amauri pritet të pajisët së shpejti me pasaportë italiane, e cila i jep mundësinë atij të luajë për ngjyrat e kësaj përfaqësuesje. Vetë lojtari është në mëdyshje, por një ndikim të madh tek ai për të veshur ngjyrat e kaltërta ka gruaja e tij. Trajneri i Italisë, Marçelo Lipi, ka dhënë pëlqimin e tij, dhe nëse Amauri do të pajiset shpejt me pasaportë, atëherë ai pritet të marrë ftesën e teknikut italian për miqësoren e shkurtit kundër Brazilit.Në anën tjetër Dunga shfaqet për mediat duke mos dashur që superlojtari t’i shpëtojë nga duart. Një ndikim të madh tek tekniku brazilian duket se ka patur edhe portieri i Interit, Hulio Sezar.Për këtë Dunga deklaroi: “Amauri është një sulmues i madh. Dua të them edhe një sekret të vogël. Më ka telefonuar Hulio Sezar për të më sugjeruar qendërsulmuesin e Juventusit. Në mediat braziliane thuhet se po të vijë Amauri do ta ketë vendin e titullarit të sigurtë. Por ata që më njohin mirë nuk mendojnë kështu. Unë aktivizoj lojtarët që janë më në formë. Kaka’ dhe Ronaldinjo i janë përshtatur rregullave të mia. E njëjta gjë qëndron edhe për Amaurin. Nëse është në formë do të luajë, në të kundërton duhet të presë”.Këto deklarata të fundit të Dungës rihapin seriozisht dhe një herë çështjen e të ardhmes së Amaurit.
Karlos Dunga i bën thirrje të hapur sulmuesit të Juventusit, Amauri, për të veshur fanellën e përfaqësueses së Brazilit. Çështja Amauri rihapet përsëri, por këtë herë në një drejtim tjetër. Bomberi është midis dy rrugëve, asaj që të çon me përfaqësuesen Axurre, dhe tjetra me atë të Seleçaos. Në një intervistë të dhënë për Gazzette dello Sport, tekniku i Brazilit Dunga është shprehur: “Dua ta thërras Amaurin në një nga ndeshjet e afërta miqësore të Seleçaos. Mund t’i jap garancinë që në Brazil do ta mirëpresin, por nëse ai preferon Italinë, atëherë është ai që vendos”.Amauri pritet të pajisët së shpejti me pasaportë italiane, e cila i jep mundësinë atij të luajë për ngjyrat e kësaj përfaqësuesje. Vetë lojtari është në mëdyshje, por një ndikim të madh tek ai për të veshur ngjyrat e kaltërta ka gruaja e tij. Trajneri i Italisë, Marçelo Lipi, ka dhënë pëlqimin e tij, dhe nëse Amauri do të pajiset shpejt me pasaportë, atëherë ai pritet të marrë ftesën e teknikut italian për miqësoren e shkurtit kundër Brazilit.Në anën tjetër Dunga shfaqet për mediat duke mos dashur që superlojtari t’i shpëtojë nga duart. Një ndikim të madh tek tekniku brazilian duket se ka patur edhe portieri i Interit, Hulio Sezar.Për këtë Dunga deklaroi: “Amauri është një sulmues i madh. Dua të them edhe një sekret të vogël. Më ka telefonuar Hulio Sezar për të më sugjeruar qendërsulmuesin e Juventusit. Në mediat braziliane thuhet se po të vijë Amauri do ta ketë vendin e titullarit të sigurtë. Por ata që më njohin mirë nuk mendojnë kështu. Unë aktivizoj lojtarët që janë më në formë. Kaka’ dhe Ronaldinjo i janë përshtatur rregullave të mia. E njëjta gjë qëndron edhe për Amaurin. Nëse është në formë do të luajë, në të kundërton duhet të presë”.Këto deklarata të fundit të Dungës rihapin seriozisht dhe një herë çështjen e të ardhmes së Amaurit.