Juve shtyp Milanin e shënjestron kreun
Juventusi konfirmohet si kundërshtarja krye sore e Interit, pasi ka gjunjëzuar Milanin me shifrat 4-2. Pavarësisht rezultatit, duhet theksuar se bardhezinjtë e kanë merituar suksesin ndaj kuqezinjve, në një sfidë së cilës, ashtu siç pritej, nuk i kanë munguar emocionet e mëdha, madje një ndeshje që ka ofruar një festival golash. "Zonja e Vjetër" duket shumë e motivuar gjatë fillimit të ndeshjes dhe duke përfituar gjithashtu, edhe nga mungesat e shumta të skuadrës së Karlo Ançelotit, ku spikatnin ato të Kakasë e Gatuzos, kalojnë shumë shpejt në avantazh. Kapiteni Del Piero merr dhe finalizon vetë një 11-metërsh në minutën e 16-të. Gjithsesi, mendon Pato për të rikthyer baraspeshën në këtë supersfidë pas një topi milimetrik të lëshuar nga Ronaldinjo. Por bardhezinjtë nuk duan të zhgënjejnë dhe Kielini në minutën e 31-të, tri minuta pas barazimit të Patos rikthen në avantazh vendësit, por nuk përfundon këtu, pasi Amauri, vetëm 240 sekonda përpara përfundimit të ndeshjes çon Juventusin në shifrat 3-1. Në pjesën e dytë, Milani duhet të reagojë me hedhjen në fushë të Shevçenkos, por kur sulmuesit nuk konkretizojnë, i mbetet Ambrozinit të ngushtojë diferencën, pas një gjuajtjeje të devijuar nga jashtë zone. Kuqezinjtë fitojnë terren ndaj "Zonjës", por Zambrota ndërhyn në mënyrë të gabuar ndaj De Çeljes në një kundërsulm të torinezëve dhe përjashtohet nga gjyqtari Ricoli me karton të kuq si rrjedhojë e dy ndëshkimeve me të verdhë. Nga kjo gjë do të përfitojë Juventusi, ku sërish me Amaurin në do të finalizojë dhe golin e katërt dhe të fundit për këtë ndeshje. Juventusi fiton duke e merituar ndeshjen dhe tani pozicionohet e vetme në vendin e dytë.
Juventusi konfirmohet si kundërshtarja krye sore e Interit, pasi ka gjunjëzuar Milanin me shifrat 4-2. Pavarësisht rezultatit, duhet theksuar se bardhezinjtë e kanë merituar suksesin ndaj kuqezinjve, në një sfidë së cilës, ashtu siç pritej, nuk i kanë munguar emocionet e mëdha, madje një ndeshje që ka ofruar një festival golash. "Zonja e Vjetër" duket shumë e motivuar gjatë fillimit të ndeshjes dhe duke përfituar gjithashtu, edhe nga mungesat e shumta të skuadrës së Karlo Ançelotit, ku spikatnin ato të Kakasë e Gatuzos, kalojnë shumë shpejt në avantazh. Kapiteni Del Piero merr dhe finalizon vetë një 11-metërsh në minutën e 16-të. Gjithsesi, mendon Pato për të rikthyer baraspeshën në këtë supersfidë pas një topi milimetrik të lëshuar nga Ronaldinjo. Por bardhezinjtë nuk duan të zhgënjejnë dhe Kielini në minutën e 31-të, tri minuta pas barazimit të Patos rikthen në avantazh vendësit, por nuk përfundon këtu, pasi Amauri, vetëm 240 sekonda përpara përfundimit të ndeshjes çon Juventusin në shifrat 3-1. Në pjesën e dytë, Milani duhet të reagojë me hedhjen në fushë të Shevçenkos, por kur sulmuesit nuk konkretizojnë, i mbetet Ambrozinit të ngushtojë diferencën, pas një gjuajtjeje të devijuar nga jashtë zone. Kuqezinjtë fitojnë terren ndaj "Zonjës", por Zambrota ndërhyn në mënyrë të gabuar ndaj De Çeljes në një kundërsulm të torinezëve dhe përjashtohet nga gjyqtari Ricoli me karton të kuq si rrjedhojë e dy ndëshkimeve me të verdhë. Nga kjo gjë do të përfitojë Juventusi, ku sërish me Amaurin në do të finalizojë dhe golin e katërt dhe të fundit për këtë ndeshje. Juventusi fiton duke e merituar ndeshjen dhe tani pozicionohet e vetme në vendin e dytë.