Mediat italiane spekulojnë që sulmuesi i Milanit, Ronaldinho, mund të kthehet te skuadra me të cilën fitoi gjithçka në futboll, ajo e Barcelonës.
Agjenti dhe vëllai i brazilianit, Roberto de Assis, ka deklaruar se tani është i mundur rikthimi i Dinhos në Camp Nou. Sportmediaset.it njofton se vëllai i sulmuesit ‘e ka hapur derën’ për një rikthim të mundshëm te Blaugranët, por ka cekur se pavarësisht problemeve të fundit, Ronaldinho ndihet mirë në San Siro. Ronaldinho nënshkroi me Milanin verën që shkoi, pas një sezoni të dobët në Camp Nou dhe pas disa problemeve me trajnerin Frank Rijkaard, ndërsa ka kontratë me Rossonerët deri në vitin 2011.