Lajme të këqija për West Ham dhe menaxherin Gianfranco Zola. Sulmuesi Carlton Cole ka lënduar ligamentet e gjurit gjatë fitores 5-3 kundër Burnley të shtunën dhe duhet të operohet, gjë që do t’i pamundësojë të luajë për së paku katër muaj, ka bërë të ditur ueb faqja zyrtare e klubit të Premierligës.
Zola e zëvendësoi sulmuesin në pjesën e dytë të ndeshjes, ndërsa mungesa e tij mund të detyrojë klubin të sjellë një përforcim në janar.