Presidenti i Milanit, Silvio Berlusconi, është i kënaqur që skuadra e tij e ka ngushtuar diferencën me Interin në krye të tabelës- thotë zëvendëspresidenti i Rossonerëve, Adriano Galliani.
“Ai më thirri dhe më tha se gjithçka po shkon mirë, dhe se ai është i kënaqur me skuadrën”, u ka thënë Galliani gazetarëve.
Kuqezinjtë kanë fituar nëntë pikë në tri ndeshjet e fundit dhe tash janë vetëm katër pikë prapa liderit Inter.
Këtë fundjavë, Milani do të ndeshet me Atalantan, ndërsa Interi do ta ketë kundërshtar Udinesen.