Juventusi vazhdon negociatat për afrimin e Rafa Benitez.Nga Londra, bisedat janë shpërngulur në Paris, ku është parashikuar një tjetër takim ndërmjet përfaqësuesve të klubit bardhezi dhe menaxherit të teknikut spanjoll.
Pengesa kryesore e bisedimeve është kërkesa e trajnerit të Liverpulit, për të marrë në Torino të gjithë stafin e tij teknik. Bëhet fjalë për zëvendësin e tij, Pelegrino, tre trajnerë aerobie, një trajner portierësh, një trajner i ekipit rezervë dhe dy fizioterapistë.
Juventusi kërkon që numri i stafit të jetë më i vogël dhe ky është ngërçi më i madh.
Ndërkohë, për tre vitet e ardhshme, Juve do të ketë në dispozicion për merkaton 200 milionë euro: afro 70 milionë në sezon.